HEFTIG TRØKK: Traileren har fått hard medfart etter velten.
HEFTIG TRØKK: Traileren har fått hard medfart etter velten. (Foto: Politiet)

Sjå politiet sine bilete frå velten

To personar som var i bilen framstår som uskadde. Trafikken blir dirigert forbi staden.

Sogndal: Klokka 10:13 fekk politiet melding om at ein lastebil har velta utanfor Fjærlandstunnelen. Ulukka skjedde på jølstersida av tunnelen.

KØ: Vegstenginga førte til køar på begge sider av tunnelen. Foto: Jo Marius Bøyum

– Ingen fastklemte. Naudetatar på veg, skreiv politiet i den første meldinga 10:22.

Utifrå bileta ser lastebilen ut til å ha ein sprøyterobot påmontert i fronten, utstyr som blir brukt til tunnelarbeid. For tida er Støylsnestunnelen langs Kjøsnesfjorden i ferd med å bli forlenga frå rundt to 2 til 8,5 kilometer.

I ei pressemelding skriv politiet at ingen av dei to i lastebilen kom til skade. Det er ikkje mistanke om ruskøyring.

– Førebels tyder hendingsforløpet på at eitt hjulpar kom utfor asfaltkanten på høgre side, og ved forsøk på å komma opp på vegen igjen skjente lastebilen over til venstre og velta, skriv dei i pressemeldinga.

I 12:30-tida var det manuell dirigering på staden. Bilbergar var komen fram.

– Politiet har avslutta på staden, men har oppretta sak, opplyser dei.

Har du tips eller bilete? Send til 907 03 711 eller tips@porten.no.

HEFTIG TRØKK: Ulukka skjedde i bakkane ned til Kjøsnesfjorden frå Fjærlandstunnelen. (Foto: Politiet)
HEFTIG TRØKK: Traileren har fått hard medfart etter velten. (Foto: Politiet)
HEFTIG TRØKK: Traileren har fått hard medfart etter velten. (Foto: Politiet)
Til toppen