FRAKTA VEKK: Her blir ulukkesbussen frakta vekk av bilbergar. Etter sju timar er vegen mellom Årdalstangen og Øvre no open att.
FRAKTA VEKK: Her blir ulukkesbussen frakta vekk av bilbergar. Etter sju timar er vegen mellom Årdalstangen og Øvre no open att. (Foto: Porten.no-tipsar)

Ulukkesvegen opna etter å ha vore stengt i sju timar

Åstadsundersøkingar frå politi og vegvesen er årsaka til den lange ventetida.

Årdal: Klokka 23.02 melder politiet at vegen mellom Årdalstangen og Øvre Årdal er opna att etter ulukka tidlegare på dagen. Den havarerte bussen er taua vekk og vegbana er rydda. 

Vegen har vore stengt sidan 16-tida torsdag ettermiddag, då ein buss køyrte i fjellveggen omlag to kilometer frå Øvre Årdal.

Bussjåføren, ein mann i 60-åra frå Sogn, vart erklært død på staden.

– Fordi det er snakk om eit dødsfall, så har det blitt gjort åstadsundersøkingar. Ulukkesgruppa til Statens vegvesen har òg vore på staden. Det er grunnen til at det har tatt tid å opna vegen, opplyser vakthavande ved operasjonssentralen til Vest politidistrikt.

Til toppen