Ung mann vifta med softgun i sentrum: – Det vil me ikkje ha på offentleg stad
(Foto: Arkiv)

Ung mann vifta med softgun i sentrum: – Det vil me ikkje ha på offentleg stad

Ei hending skilte seg ut i ei elles roleg natt i Sogn.

Sogn: Litt over midnatt kom ein politipatrulje over ein mann som vifta med softgun i Sogndal sentrum. Mannen var på rundt 20 år.

– Den er lett å forveksle med andre våpen. Dette vil me ikkje ha på offentleg stad, seier operasjonsleiar Per Algrøy i Vest politidisitrikt. 

Den unge mannen vart sendt vekk frå sentrum, og politiet konfiskerte våpenet. 

– Det var ikkje noko trusselsituasjon. Det virka ikkje som nokon kjente seg truga. Han berre vifta med den, seier Algrøy. 

Det blir oppretta sak. 

Les óg: Simon har sett seg lei: – Det har alltid vore tjuvfiske. Men ikkje på dette nivået

Travel natt i distriktet

Sett vekk frå dette var det ikkje dei store hendingane i Sogn denne natta. 

Vest politidistrikt hadde likevel nok å henge fingrane i.

– Det var ein del ordenforstyrringar og andre ting, seier Algrøy.

Vest politidistrikt hadde 110 registrerte hendingar. 35 av desse var ordenforstyrring, slagsmål og forstyrring av nattero. 

To personar måtte i arrest grunna ordenforstyrring. Ein anna vart sett i varetekt for å ha truga med kniv.

Til toppen