Indre Sogn: På Hemsedalsfjellet er det innført kolonnekøyring på grunn av uvêr. På Filefjell kan det same skje på kort varsel, melder vegtrafikksentralen klokka 11:57.
Frå før er Vikafjellet og Aurland-Hol stengt, og fylkesvegen mellom Årdal og Tyin kan bli stengt på kort varsel.
På grunn av rasfare er det óg bestemt at vegen mellom Balestrand og Dragsvik i Sogndal kommune skal vera nattestengt frå 21:00 til 07:00.
Det er venta kraftige vindkast i Sør-Norge måndag, og meteorologane har sendt ut farevarsel. I Vestland fylke kan det lokalt koma vindkast på 27-35 meter i sekundet. Vinden skal minka utover kvelden.
