VANSKELEG: Villreinen har ein vanskeleg vinter med mykje nedisa beite, noko som gjer at det er innført ekstra bandtvang i villreinområda Vest-Jotunheimen og Årdal-Lærdal så ikkje reinen skal skremmast unødig av lause hundar. Illustrasjonsfoto
VANSKELEG: Villreinen har ein vanskeleg vinter med mykje nedisa beite, noko som gjer at det er innført ekstra bandtvang i villreinområda Vest-Jotunheimen og Årdal-Lærdal så ikkje reinen skal skremmast unødig av lause hundar. Illustrasjonsfoto (Foto: Arkiv)

Vanskelege beitetilhøve fører til ekstraordinær bandtvang

Både i Vest-Jotunheimen og Årdal-Lærdal-fjella vart det førre veke innført bandtvang grunna mykje nedisa reinsbeite.

Årdal/Lærdal: «Bandtvangen gjeld i villrein sitt beite, leveområde og i skogane omkring frå 14.2.2017 til og med 31.4.2017», står det på Lærdal kommune sine sider.

Den ekstraordinært utvida bandtvangen gjeld i villreinområda i fjellet Lærdal - Årdal og villreinområda i Vest-Jotunheimen. Det vil seia i villreinen sitt beite- og leveområde og i skogane omkring. 

Villreinnemnda sende nyleg brev til dei aktuelle kommunane der dei bad om at slik ekstraordinær bandtvang vart vurdert.

– Dette grunna vanskelege beitetilhøve for villreinen med mykje nedisa beite. Me ser ikkje nokon grunn til å ikkje setja inn ekstra bandtvang når situasjonen for reinsebeite er slik, seier  viltforvaltar i Årdal, Lærdal og Aurland, Knut Fredrik Øi.

Les også: Difor bør du droppe toppturen i Hurrungane i vinter

Til toppen