Årdal: Det var to nordmenn som markerte seg i den tette og jamnspelte kvartfinalen mot Silkeborg-Voel.
I det som vert skildra som eit drama på klubbens eigne heimesider, låg TTH under med fire på eit tidspunkt i andre omgang, men utnytta seg av overtalsspel og kjempa seg tilbake.
Like før slutt utlikna vertane til 25-25, og kampen måtte avgjerast med ekstra-omgangar. Her var det derimot TTH som førte kampen, og med eit halvminutt igjen kom sigersmålet frå Anette Jensen til 29-28 og cupavansement.
Øvst på toppscorarlista for begge lag trona to nordmenn. For Silkeborg-Voel scora Stine Skogrand åtte, medan Årdalsjenta Hege Bakken Wahlquist blei toppscorar for sitt lag med sju nettkjenningar.
Semifinalane vert spelt i slutten av desember.
