Statsministeren støttar Navarsete – ber avsendaren av hyttetur-meldinga stå fram
– Det synest eg er heilt rimeleg, seier Jonas Gahr Støre.
Publisert
Sist oppdatert
Onsdag i førre veke bad tidlegare Senterparti-leiar og statsråd Liv Signe Navarsete avsendaren av ein seksuelt trakkaserande melding frå 2016 om å stå fram.
Meldinga vart sendt under ein hyttetur der fleire Sp-politikarar var til stades. No får Navarsete støtte av statsminister Jonas Gahr Støre.
– Det synest eg er heilt rimeleg. Senterpartiet har, så vidt eg veit, forsøkt å få til at ein av dei skal stå fram, men det har ikkje skjedd, sa Støre i NRK P2-programmet Helgemorgen på påskeaftan.
I førre veke sa Navarsete dette om saka:
– Å vera opne og ærlege om sanninga er heilt avgjerande for tilliten til politikarar. Difor må den som sende hyttetur-meldinga, ta ansvar og stå fram. Så lenge ingen tar ansvar, snekkes tilliten til alle, seier ho til NRK.
Navarsete fekk i førre veke støtte frå både den nyvalde forsvarsministeren Bjørn Arild Gram, og Senterpartiet sin parlamentariske leiar, Marit Arnstad.
