Rykka ut til bilbrann

Naudetatane rykker måndag kveld ut til melding om bilbrann ved Mannhellervegen.

Det melder 110 Vest klokka 22:00.

I følgje Vest politidistrikt skal det ha byrja å brenne i motoren på bilen. Det skal ikkje vera personar i bilen.

Det er framleis noko flammar frå motoren, men det er ingen fare for spreiing.

Det er ikkje meldt om personskader. Politi og brannmannskap på staden melder Vest politidistrikt klokka 22:09.

Klokka 22:24 melder politiet at brannen er sløkt. Patruljen er i dialog med bilførar. Han er uskadd.

Føraren av bilen var ein mann i 40-åra.

– Føraren merka plutseleg diesellukt i bilen, og det kom ein del røyk. Føraren gjekk først sjølv i gang med slukking, fortel Dan Erik Johannesen hjå operasjonssentralen vest.

Politiet har vore på staden og avhøyrt føraren, og oppretta brannsak.