Trafikkuhell mellom Leikanger og Sogndal

Riksveg 13 Stedjebergtunnelen er stengd grunna trafikkuhell, melder Vegtrafikksentralen vest på Twitter klokka 08:08.

Det skal vera ein buss og ein personbil involvert. Naudetatane er no på staden.

I personbilen skal det ha vore to personar, og bussen skal ha vore tom. I følgje operasjonsleiar Tom Johanessen i Vest politidistrikt er det ikkje snakk om personskader.

– Me er no i gang med å få flytta på køyretøya slik at trafikken kan flyta fritt.

Politiet har enno ikkje fått klarheit i saka.

Personane som er involvert får tilsyn av helse.

Like etter klokka ni melder Vegtrafikksentralen at tunnelen er open og det er fri flyt for trafikk.