I løpet av året skal Vestland fylkeskommune til saman leggje ut 99 774 tonn med asfalt på 139 028 meter med fylkesveg i Vestland.
Budsjettet er på 121,4 millionar kroner, inkl. 25 millionar til dekke. Nytt for 2024 er at 5,2 millionar kroner er øyremerka dekke på gang- og sykkelvegar, melder Vestland Fylkeskommune.
Samstundes blir det jobba langsiktig for å stogga det store vedlikehaldetterslepet på dekkelegging.
Fleire stader i Sogn
Dei med størst behov i 2024 får nytt dekke. Deriblant Stødnavegen i Lærdal, Feios-Grindedal i Vik, og indre Haflso i Luster.
Det vert også ny asfalt på gang- og sykkelveg på fv 55 Stolpen-Hillestad i Luster og på Nessane i Høyanger.
Vegnummer | Kommune | Stad | Lengd | Årleg døgntrafikk (ÅDT) |
271 | Lærdal | Stødnavegen | 860 | 1000 |
5602 | Vik | Feios-Grindedal | 3985 | 100 |
5640 | Luster | Indre Hafslo | 3908 | 250 |
55 | Luster | Stolpen-Hillestad | 800 | Gang- og sykkelveg |
55 | Høyanger | Nessane | 138 | Gang- og sykkelveg |