Klokka 10:47 fredag kom det melding om ei front mot front ulukke på E39 i Jølster.
Det skriv Vest politidistrikt.
Ulukka skjedde ved Juklestad mellom Førde og Skei i Sunnfjord.
To bilar var involverte med totalt fem personar. Skadeomfanget er førebels ukjend, men politiet omtalar hendinga som alvorleg.
To personar er køyrd til Førde sentralsjukehus i ambulanse. Ein er frakta med luftambulanse.
Alle involverte fekk tilsyn av helse før dei vart sendt vidare til Førde.
I 12-tida er eitt køyrefelt opna for manuell dirigering.